Til hamingju með nýjasta borgarstjórann!

Ég óska ykkur öllum innilega til hamingju með nýja borgarstjórann. Mér lýst samt ekki vel á þetta samstarf frjálslyndra og sjálfstæðismanna. Í málefnasamningnum er nefnilega eitt atriði sem virkar illa á mig: það á að vera ókeypis í strætó fyrir börn, unglinga, aldraða og öryrkja. Strætisvagnar eiga eftir að breytast í félagsmiðstöðvar fyrir unglingana. Litlir krakkar eiga eftir að stelast í strætó í tíma og ótíma án þess að foreldrarnir viti af. Öryrkjar eiga eftir að sitja í vögnunum heilu dagana, til að drepa tímann. Og gamla fólkið á eftir að flykkjast í strætó bara af því að það er ókeypis. Ég sé alveg fyrir mér allt gamla fólkið sem er orðið svo gamalt að það getur varla hreyft sig og varla komist inn í strætó, þetta fólk á allt eftir að flykkjast í vagnana og við vagnstjórarnir verðum að bíða og bíða á meðan þetta fólk kemur sér inn og út. Allar tímaáætlanir eiga eftir að fara úr skorðum.  Bráðlega fer ég að leita mér að annarri vinnu  

Athugasemdir

[Anna Viðarsdóttir, 28.1.2008 kl. 12:35]

Prufaðu þá að sækja um á félagsmiðstöðum unglinga og á umönnunarstofnun aldraðra. Þú getur sýnt fram á reynslu á þeim sviðum

[Áslaug Kristinsdóttir, 28.1.2008 kl. 22:35]

Já, ég hef reynslu á ýmsum sviðum, held að það verði auðvelt fyrir mig að finna aðra vinnu