Skoðun

Ég vaknaði tiltölulega snemma í morgun, þarf ekki að fara að vinna fyrr en kl. 18:30 í kvöld og hvað var það fyrsta sem mér datt í hug að gera í dag? Auðvitað að fara með jeppann í skoðun! Ég dreif mig upp á Hestháls með jeppann, hann fór á vörubílabrautina og fékk 09-miða en ég þarf að láta yfirfara skökkvitækið og sjúkrakassann (ábending). 

Mér fannst 08-miðinn fara jeppanum betur, guli liturinn á 09-miðanum passar ekki við vínrauða litinn á jeppanum. En það er víst ekkert hægt að gera við þessu.

 Valdi fór með bílinn sinn og fékk 09-miða. Hvernig finnst ykkur guli liturinn fara við grá-sanseraðan bílinn? Kannski er hægt að venjast þessu.

Athugasemdir

[Anna Viðarsdóttir, 4.1.2008 kl. 15:57]

Ég held að það hefði verið laaangt flottast að fá svona ljós-grænan miða.Er ekki hægt að gera eitthvað í því?

[Áslaug Kristinsdóttir, 4.1.2008 kl. 17:28]

Ég held að ef maður vill fá ljósgrænan miða er alveg vonlaust að eiga Toyotu, þá er betra að eiga Opel. Ég man eftir hvítum Opel sem Gyða og Björgvin áttu í nokkur ár og það kom alltaf ljósgrænn miði á hann, ár eftir ár. Svo allt í einu eitt árið kom appelsínugulur miði og þá kunnu þau ekki við bílinn og losuðu sig við hann

[Kristinn B. Þorsteinsson (IP-tala skráð) 6.1.2008 kl. 11:18]

Áslaug mín! Værir þú nokkuð til með að fara með Volvóinn minn einhvern daginn. Hann langar svo í gulan miða! Hann er nú orðinn 26 ára, en er samt alveg  dauð-hræddur við að fara einsamall í skoðun. Eigandinn þorir alls ekki með honum!

Ps. Hann þolir alls ekki grænu eða RAUÐU miðana! 

[Áslaug Kristinsdóttir, 7.1.2008 kl. 00:26]

Langar Volvóinn alveg botnlaust í gulan miða?