11 dagar til Þorláksmessu!

Á forsíðu 24 stunda í dag er fyrirsögn: Skatan er viðbjóður. Sigurður Helgi Guðjónsson, formaður Húseigendafélagsins, segir að skötustækja á Þorláksmessu eigi ekki heima í fjölbýlishúsum, enda sé kæst skata frekar úrgangur en mannamatur.

Á bls. 24 í blaðinu er svo 3ja dálka grein um skötu og fyrirsögnin er: Skötustækjan óvinsæl. Svo er mikil umfjöllun um skötu og fýluna af henni. Spurt er hvort þessum ófögnuði í skötulíki megi ekki úthýsa úr mannabústöðum.

Nú er búið að bjóða mér í skötu á Þorláksmessu og mig grunar að veislan verði haldin í fjölbýlishúsi í Kópavoginum. Ég hef aldrei borðað skötu og veit ekki hvort ég á að hlakka til eða ekki, eða hvort ég á að afboða komu mína í boðið. Það er mikið einfaldara að borða venjulegan mat. Þorsteinn, hvað á ég að gera?

Athugasemdir

[Þorsteinn Kristinsson, 12.12.2007 kl. 21:52]

Sko, þú þarft ekki að hafa neinar áhyggjur af skötunni - þetta er bara sama lykt og af hákarli!  En það verður boðið upp á aðrar hefðbundnari fisktegundir fyrir byrjendur og pylsur fyrir smábörnin.

[Áslaug Kristinsdóttir, 12.12.2007 kl. 22:35]

OK, ég kem!

[Anna Viðarsdóttir, 13.12.2007 kl. 20:06]

Ef að þú hefur bara nógu mikið af meðlæti með og rúgbrauði þá sleppur þetta. En ég mæli ekki með tólginni.

 Verði þér að góðu!

[Áslaug Kristinsdóttir, 14.12.2007 kl. 23:49]

Takk, Anna. Frábær ráðlegging; ég borða bara meðlætið