Bjartir tímar framundan...

Eins og þið hafið kannski tekið eftir, þá hef ég ekki komið með nýja færslu hér siðan ég seldi Corolluna. Ástæðan er sú að ég hef bara verið eitthvað svo niðurdregin yfir því að eiga bara tvo bíla, en nú eru bjartari tímar framundan, það hringdi nefnilega maður í mig í fyrradag og spurði hvort ég vildi ekki kaupa bíl af sér. Ég sagðist ætla að hugsa málið, en ákvað samt strax að kaupa bílinn af honum. Ég hringdi í tryggingafélagið í dag og spurði hvað ég þyrfti að borga þeim fyrir að tryggja bílinn og þegar það lá fyrir hrigdi ég í manninn og spurði hann hvaða verð hann væri með í huga fyrir bílinn, hann sagði mér það og ég féllst á að borga uppsett verð og einhvern næstu daga verð ég aftur orðin þriggjabílaeigandi. Þannig að það er bara allt bjart framundan hjá mér. Fleiri færslur fljótlega...

Athugasemdir

[Þorsteinn Kristinsson, 15.1.2009 kl. 17:32]

Eru þetta ekki bara pappírsviðskipti, Volvoinn fer á þitt nafn til að þú getir sagst eiga þrjá bíla! Ég var nú fljótur að sjá í gegnum þetta ...

[Áslaug Kristinsdóttir, 16.1.2009 kl. 21:31]

Þetta er ekki rétt tilgáta hjá þér. Hér er um Toyotu að ræða. Reyndar hef ég átt þessa Toyotu a.m.k. einu sinni áður

[Langi-afi. (IP-tala skráð) 18.1.2009 kl. 10:08]

Ekki vera að rífast um Volvoinn! Ég veit að ykkur langar í hann! En nú er kreppa í landinu og þá verða allir að vera nægjusamir!  -  Og lífið er nú þannig, að maður getur ekki alltaf fengið allt, sem mann langar í!

[Áslaug Kristinsdóttir, 20.1.2009 kl. 23:04]

Kæri Langi! Í mörg ár er ég búin að biðja þig um að selja mér Volvóinn en þú hefur aldrei viljað selja mér hann en ég kaupi 23 ára Toyotu í staðinn. Volvóinn verður bráðum ósýnilegur, hann er að hverfa smátt og smátt