Snædís

Hulda og Snædís komu í heimsókn til mín í gær. Þegar Hulda sagðist ætla í smá-verslunarleiðangur stakk Snædís upp á að hún fengi að vera í pössun hjá ömmu á meðan, því að hún væri orðin svo leið á Kringlunni, Smáralind, Korputorgi og hvað þetta nú heitir allt saman. Ég samþykkti strax að hún mætti vera hjá mér og Hulda fór að versla. Um leið og hún var farin bað Snædís mig um að ná í bílasafnið mitt, ég lét hana fá nokkra bíla:

Hún var alveg rosalega ánægð með bílana, en hún sagðist samt vilja fá dúkku í jólagjöf!

 

 

 

 

 

 

 

Athugasemdir

[Moondaddy, 26.11.2008 kl. 19:50]

Rosalega er hún flott með bílana.

[Langafi. (IP-tala skráð) 26.11.2008 kl. 22:41]

Já, kauptu handa henni dúkku í jólagjöf, en gefðu henni líka vörubíl eins og ég gaf þér á jólunum 1961. Það hafði mjög góð og afdrifarík áhrif!

[Anna Viðarsdóttir, 27.11.2008 kl. 00:46]

Hvað er að ykkur? Auðvitað vill hún mótorhjól!! Þetta er alvöru töffarastelpa  

[Áslaug Kristinsdóttir, 4.12.2008 kl. 23:39]

Alveg rétt Anna, auðvitað vill hún mótorhjól! Ég gef henni dúkku, vörubíl og mótorhjól. Kannski hefur hún þetta eins og ég: allar dúkkurnar sem ég fékk þegar ég var lítil eru til ennþá og alveg eins og nýjar, en allir bílarnir er ónýtir. Dúkkurnar voru bara upp í hillu á meðan ég var í bílaleik