Tallinn

Nú erum við komin úr ferðinni til Tallinn. Við fórum þangað með hraðbát, sem fór á 70 km hraða og var tæpar 90 mínútur á leiðinni. Í Tallinn var margt að sjá, við sáum til dæmis Íslandstorgið, en af því að við Íslendingar vorum fyrsta þjóðin til að viðurkenna sjálfstæði Eistlands, þá fengum við torg nefnt eftir landinu okkar. Þetta er að vísu mjög ómerkilegt torg að öðru leiti

Verðlag í Tallinn kom okkur verulega á óvart, allt var alveg rosalega dýrt og sumt jafnvel dýrara en í Finnlandi og er þá mikið sagt. Við keyptum því næstum ekkert þarna, tókum bara nokkrar myndir og ég fékk mér einn bjór. Björgvin, ég fann engan jarðskjálftamæli. Og í Tallinn er enginn Harry  

Athugasemdir

[Lilja (IP-tala skráð) 31.5.2008 kl. 18:36]

Hyvää paivä

Vona að þú sért að verða nokkuð sleip í finnskunni. Þetta er víst ekki svo erfitt þegar á reynir. Mjög lógískt í allri uppbyggingu, sögn, kyn eða greinir bætist t.d. framan eða aftan við orðið - þeir eru ekkert að flækja þetta of mikið :)

Paras terveiset,
Lilja frænka

p.s. sendi sms áðan - vona þú hafir móttekið ;)

[Áslaug Kristinsdóttir, 31.5.2008 kl. 21:22]

Þetta er rétt hjá þér, Lilja, það er lauflétt að læra finnsku. Ég fékk sms frá þér og geri ráð fyrir að finna eitthvað um borð í ferjunni á morgun. Við förum með ferju frá Silja-line en það er finnskt fyrirtæki. Á mánudagsmorguninn komum við til Stokkhólms og þar verður sko gaman