Nokkrir dropar...

Nú er langt síðan síðast! Ég var að skipta um tölvu og nýja tölvan fékk einhvern barnavírus eða eitthvað sem gerði hana ónothæfa en henni er að batna hægt og rólega...

Ég er búin með alla blómadropana og nú á ég að vera komin með meiri kjark, minna þunglyndi og meiri gleði.

Ég fór á 3ja daga námskeið í síðustu viku. Einn kennarinn leit yfir hópinn og sagði að við værum mjög kjörkuð. Það þarf mikinn kjark til að vera leigubílstjóri í Reykjavík um helgar, sagði hann. Ég fór sem sagt á harkaranámskeið. Blómadroparnir hafa kannski virkað en hvort ég á eftir að keyra leigubíl er svo alveg óvíst, það kemur bara í ljós seinna, en kjarkurinn er til staðar!!

Þunglyndið er alveg horfið og ég er orðin svakalega léttlynd. Droparnir svínvirkuðu ótvírætt.

Gleðin er meiri en áður og framundan er ábyggilega enn meiri gleði. Ég útskýri það betur seinna, það er eiginlega of fljótt að segja gleðileg jól núna. Bíðið bara róleg

Athugasemdir

[Björgvin Kristinsson, 14.11.2008 kl. 01:03]

Til hamingju með áfangann.

Það er sko alveg rétt að það þarf mikinn kjark til að vera leigubílstjóri í borg óttans um helgar...

...annars væri ég ekki að standa í þessu. 

En þú mátt alveg leysa mig af eina og eina helgi ef þú vilt.

[Anna Viðarsdóttir, 15.11.2008 kl. 18:44]

Þarftu ekki núna að að fara á námskeið í sjálfsvörn??!!

Hlakka til að heyra hvaða gleðitíðindi eru framundan. Ég bíð spennt

[Áslaug Kristinsdóttir, 16.11.2008 kl. 22:35]

Þetta er góð hugmynd hjá þér, Anna, sjálfsvarnarnámskeið er næst á dagskrá. Ég var einmitt að reyna að finna út hvernig námskeið ég ætti að fara á næst!Skúmur, ég leysi þig svo af eina og eina helgi